Hafrannsóknastofnun

Hafrannsóknastofnun rekur útibú á 5 stöðum á landinu. Fyrsta útibúinu var komið á laggirnar á Húsavík árið 1974. Síðan hafa bæst við útibú á Höfn, Ísafirði, á Ólafsvík og loks í Vestmannaeyjum.

Útibúið á Húsavík var flutt til Akureyrar árið 1991 og er starfsemin þar nú rekin í nánum tengslum við sjávarútvegsdeild Háskólans á Akureyri.

Útibúin gegna þýðingarmiklu hlutverki við gagnasöfnun og til þess að afla almennra upplýsinga um gang veiða í hinum ýmsu landshlutum og auka tengsl stofnunarinnar við sjávarútveginn.

Einnig rekur stofnunin tilraunaeldisstöð á Stað við Grindavík þar sem fram fara rannsóknir á eldi sjávardýra.