Hafrannsóknastofnun
Útibú Hafrannsóknastofnunar í Vestmannaeyjum hóf starfsemi 1. október 1986. Fyrstu átta árin hafði útibúið aðsetur í Vinnslustöðinni h/f en í október 1994 fluttist starfsemin í húsnæði Rannsóknasetursins í Vestmannaeyjum að Strandvegi 50. Húsnæðið er í eigu Háskóla Íslands og Vestmannaeyjabæjar. Útibúið er á þriðju hæð hússins.

Auk þess eru í húsinu Matís, útibú frá Háskóla Íslands, Náttúrustofa Suðurlands, Viska - fræðslu- og símenntunarmiðstöð, Rannsóknaþjónusta Vestmannaeyja, Heilbrigðiseftirlit Suðurlands, Atvinnuþróunarfélag Suðurlands og Þjónustuskrifstofa Vinnumálastofnunar.

Útibúið er tengiliður Hafrannsóknastofnunar við sjávarútveginn í Vestmannaeyjum. Gagnasöfnun úr lönduðum afla er stór þáttur í starfseminni, einnig annast útibúið ýmsa upplýsingaöflun varðandi veiðar við Suðurströndina.

Frá útibúinu hafa verið stundaðar ýmsar rannsóknir á svæðum kringum Vestmannaeyjar og við Suðurströndina auk smærri verkefna t.d. vegna fiskmerkinga og söfnunar þangs vegna mengunarmælinga.

Rannsóknaverkefni:

  • Stofnmæling (vöktun) á marsíli við Ísland.

  • Stofnmæling með netum (SMN).

  • Fæða þorskfiska úr afla fiskiskipa.


  • Annað:

    Einnig er unnið á útibúinu að endurskoðun gagnasöfnunarkerfa sem notuð eru við sýnatöku úr lönduðum afla og ýmsum rannsóknarleiðöngrum Hafrannsóknarstofnunar.

    Heimilisfang:

    Hafrannsóknastofnun,
    Strandvegi 50,
    900 Vestmannaeyjar

    Starfsfólk:

    Valur Bogason, útibússtjóri, s. 575 2320
    Leifur Gunnarsson, rannsóknamaður, s: 575 2321

    Fax: 481 2669


    Skoðið einnig heimasíðu Rannsókna- og fræðasetrið Vestmannaeyjum.