Hafrannsóknastofnun

   
STOFNUNIN
RANNSÓKNIR
FRÉTTIR OG FRÓÐLEIKUR
RÁÐGJÖF
Fréttir
Svæðalokanir
Útgáfa
Sjávardýraorðabók
Ítarefni
Fjaran og hafið
Krækjur
Staða landana
Málstofa
Ársskýrslur
Ráðstefnur
Sjávarföll
Um skráningu meðafla
HELSTU NYTJASTOFNAR:
SKARKOLI
Fréttir

12. apr. 2016
Málstofa fimmtudaginn 14. apríl kl. 12:30

Á málstofu Hafrannsóknastofnunarinnar þann 14. apríl flytur Jónas Páll Jónasson sérfræðingur á Hafrannsóknastofnun erindi sem nefnist: Tilraunaveiðar og rannsóknir á hörpudiski í Breiðafirði.

Málstofa hefst kl. 12.30 í fyrirlestrarsal á fyrstu hæð á Skúlagötu 4.
Verið velkomin.



Ágrip
Umfangsmiklar hörpudisksveiðar (Chlamys islandica) voru stundaðar í Breiðafirði frá árinu 1970 til ársins 2003 þegar þeim var hætt vegna hruns í stofninum.

Farið verður yfir, í stuttu máli, þróun veiða og nýlegar rannsóknir á stofnstærð í firðinum. Árið 2014 var myndavél notuð við stofnstærðarmat í fyrsta sinn á völdum svæðum utan hefðbundinnar veiðislóðar. Skel fannst í veiðanlegu magni nokkuð víða en jafnframt varð vart við yngri skel. Tilraunaveiðar, í samstarfi við aflahlutdeildarhafa, hófust sama ár og voru um 280 t veidd í Breiðasundi í suðurhluta fjarðarins. Veturinn 2015 – 2016 var rannsóknum og tilraunaveiðum haldið áfram en þá veiddust tæp 630 t á fjórum svæðum í firðunum. Um langtímaverkefni er að ræða og markmiðið er að fá betri upplýsingar um afrakstursgetu svæðanna. Veiðarfæri hafa einnig verið til skoðunar og er nú notaður léttari plógur en þegar veiðum var hætt á sínum tíma. Einnig fóru fram tilraunir með nýtt veiðarfæri og verða niðurstöður úr þeirri rannsókn kynntar.

*e-mail: jonasp@hafro.is

» til baka

» prenta

 

Leit
Hafrannsóknastofnun | Skúlagötu 4, 121 Rvík | s: 575 2000 | fax: 575 2001 | hafro@hafro.is