Hafrannsóknastofnun

   
STOFNUNIN
RANNSÓKNIR
FRÉTTIR OG FRÓÐLEIKUR
RÁÐGJÖF
Fréttir
Svæðalokanir
Útgáfa
Sjávardýraorðabók
Ítarefni
Fjaran og hafið
Krækjur
Staða landana
Málstofa
Ársskýrslur
Ráðstefnur
Sjávarföll
Um skráningu meðafla
HELSTU NYTJASTOFNAR:
KEILA
Fréttir

8. des. 2004
Íslensk hrefna í hitabeltinu

Eins og kunnugt er hófust viðamiklar rannsóknir á hrefnu við Ísland á síðasta ári. Einn hluti rannsóknanna felst í tilraunum til að fylgjast með ferðum hrefna með aðstoð gervihnattakerfisins ARGOS. Alls voru sett merki á 7 hrefnur í Faxaflóa á tímabilinu 27. ágúst til 23. september.

Nothæfar sendingar bárust frá þrem dýranna fram til 8. október og tókst að fylgjast með ferðum einnar hrefnunnar suðvestur eftir Reykjaneshrygg, allt suður fyrir 50°N.

Þann 17. nóvember bárust merki um gervitungl frá hrefnu sem merkt hafði verið í Faxaflóa 27. ágúst og voru það fyrstu upplýsingarnar sem bárust frá því dýri. Hrefnan var þá stödd yfir Mið-Atlantshafshryggnum djúpt (um 500sm) vestur af N-Spáni. Merkið er einungis virkt á sex daga fresti, til að auka endingartíma rafhlöðunnar. Þann 23. nóvember bárust aftur sendingar frá hrefnunni sem þá hafði farið um 700km sunnar og hélt sig á hafsvæðinu við Azoreyjar. Þann 5. desember bárust enn sendingar frá dýrinu og var það þá statt í Kanarístraumnum, um 1000 km norðvestan við Grænhöfðaeyjar. Hrefnan var þá um 3700 km frá merkingarstaðnum í Faxaflóa.

Þessar sendingar eru talsvert sunnar og austar en áður hafa borist frá merktum hrefnum. Hafa ber þó í huga að ekki hefur áður tekist að fylgjast með ferðum hrefna svo langt fram á veturinn og ekkert lát var á suðurferð hinna tveggja hrefnanna þegar síðast bárust sendingar frá þeim (8. nóvember 2002 og 8. október 2004). Ekki er ljóst hvaða leið hrefnan fór á Azoreyjasvæðið, en ekki er útilokað að hún hafi fylgt sömu upphafsstefnu og hinar tvær, þ.e. SV eftir Reykjaneshrygg en síðan sveigt til austurs eftir Mið-Atlantshafshryggnum til Azoreyjasvæðisins.
Skoða kort

Þótt þessar rannsóknir hafi þegar skilað mikilsverðum upplýsingum um far hrefnu að haustlagi og vonir standi til að frekari upplýsingar fáist frá þessu dýri, er þörf á frekari rannsóknum til að varpa ljósi á hegðun tegundarinnar og aðsetur hennar að vetrarlagi.

» til baka

» prenta

 

Leit
Hafrannsóknastofnun | Skúlagötu 4, 121 Rvík | s: 575 2000 | fax: 575 2001 | hafro@hafro.is