Hafrannsóknastofnun

   
STOFNUNIN
RANNSÓKNIR
FRÉTTIR OG FRÓÐLEIKUR
RÁÐGJÖF
Almennt um rannsóknir
Nytjastofnar
  Helstu nytjastofnar
Kortlagning hafsbotnsins
Sjórannsóknir
Fæðuhættir og fjölstofnatengsl
Fiskmerkingar
Eldi
Hvalir
Áhrif veiðarfæra á hafsbotn
Vöktun eiturþörunga
Dýrasvif
Firðir og grunnsævi
HELSTU NYTJASTOFNAR:
KARFI, GULLKARFI
Helstu nytjastofnar

GULLLAX

Mynd: ©Jón Baldur Hlíðberg - www.fauna.is

Argentina silus (Ascanius, 1775)

Gulllax er í Norður-Atlantshafi. Í Norðaustur-Atlantshafi er hann frá sunnanverðum Svalbarða í Barentshafi suður í Skagerak. Hann er norðan og vestan Bretlandseyja, við norðanverðan Norðursjó. Í Norðvestur-Atlantshafi er hann við Grænland og frá Davissundi og suður til Georgsbanka við Bandaríkin.

Hér við land hefur gulllax fundist allt í kringum landið en hann er sjaldséður norðan- og austanlands. Aðalútbreiðslusvæði hans hér er frá Rósagarði undan Suðausturlandi vestur með landinu allt vestur á Halamið og Djúpál.

Gulllax er miðsævis- og botnfiskur á leir- og sandbotni á 100-1400 metra dýpi en algengastur er hann á 300-600 m. Hann heldur sig við botn á daginn en syndir upp um sjó á nóttunni. Á veturna dýpkar hann á sér en kemur á grynnra vatn með vorinu.

Fæða gulllax eru allskonar smákrabbadýr eins og ljósáta og marflær en einnig pílormar, smokkfiskar, kambhveljur og smáfiskar.

Vöxtur gulllax er frekar hægur. Hann getur orðið a.m.k. 25-30 ára gamall og kynþroska er náð þegar hann er 8-12 ára og um 36-40 cm langur.
» prenta

 

Leit
Hafrannsóknastofnun | Skúlagötu 4, 121 Rvík | s: 575 2000 | fax: 575 2001 | hafro@hafro.is