BioProtect er nýtt verkefni á vegum Evrópusambandsins og hefur formlega verið hleypt af stokkunum. Verkefnið kemur til móts við þær brýnu áskoranir sem mannlegar athafnir ásamt loftslagsbreytingum hafa haft á sjávarvistkerfin okkar.
Málþing Selaseturs Íslands í samstarfi við Hafrannsóknastofnun 17. maí
Þann 17. maí heldur Selasetur Íslands sitt þriðja málþing í húsnæði sínu að Strandgötu 1, Hvamstanga í samstarfi við Hafrannsóknastofnun. Margir áhugaverðir fyrirlestrar tengdum selum og lífríki þeirra verða í boði. Sumir fyrirlestrana eru um verkefni sem Selasetrið hefur unnið í samstarfi við Hafrannsóknastofnun ásamt kynningu á nemendaverkefnum sem Sandra Granquist, dýraatferlis- og vistfræðingur hjá Hafrannsóknastofnun hefur haft umsjón með.
Útskrift 25. árgangs nemenda Sjávarútvegsskóla GRÓ fer fram miðvikudaginn 15. maí. Athöfnin fer fram í hátíðarsal Hafrannsóknastofnunar, Fornubúðum 5 Hafnarfirði og hefst kl. 15:10. Að athöfninni lokinni munu útskriftarnemendur kynna verkefni sín á sérstakri veggspjaldasýningu.
Haldið af stað í vorleiðangur Hafrannsóknastofnunar
Það var kampakátur hópur rannsóknafólks og áhafnameðlima sem brosti framan í myndavélina áður en rannsóknaskipið Bjarni Sæmundsson lagði af stað í árlegan vorleiðangur Hafrannsóknastofnunar þann 13. maí. Leiðangurinn er liður í langtímavöktun hafs en vistkerfisrannsóknir eru framkvæmdar á dýrasvifi (átu), plöntusvifi (gróðri), næringarefnum, hita og seltu (ástand sjávar) á hafsvæðinu við Ísland.